თბილისი (GBC) - თეგეტა აკადემიამ პროფესიული სასწავლო ცენტრის ახალი ფილიალი გაიხსნა და საქართველოს განათლების სამინისტროსთან ურთიერთანამშრომლობის მემორანდუმი გაფორმდა. 

ცერემონიაში განათლებისა და მეცნიერების მინისტრიც მონაწილეობდა, რომელმაც კომპანიას მთავრობის სახელით მხარდაჭერა გამოუცხადა. 

"თეგეტა აკადემიის“ პროფესიული სასწავლო ცენტრის მიზანია პროფესიული განათლების პოპულარიზაცია ქვეყანაში, ავტომომსახურების სფეროში მაღალკვალიფიციური სპეციალისტების მომზადება და მათი შემდგომი დასაქმება. 

აღსანიშნავია, რომ „თეგეტა აკადემია“ ფუნქციონირებს 2013 წლიდან და არის უნიკალური სასწავლო პლატფორმა, აკადემიის სასწავლო პროგრამა შედგენილია ევროპაში აპრობირებული დუალური განათლების მოდელის მიხედვით და გულისხმობს სამუშაოზე დაფუძნებულ სწავლებას.

 სასწავლო ცენტრის, “თეგეტა აკადემიის“ ფარგლებში 200-მდე პირმა გაიარა გადამზადება და აქედან 114 პირი დასაქმდა „თეგეტა მოტორსის“ სხვადასხვა ფილიალებში.

აკადემიის სასწავლო კურსს უძღვებიან როგორც ადგილობრივი, ასევე უცხოელი ტრენერები, მსოფლიოს წამყვანი ავტოინდუსტიის სფეროდან, როგორებიც გახლავთ ბოში, მოტული, პორშე, ტოიოტა და სხვა მსოფლიო წამყვანი ბრენდები