თბილისი (GBC) - ერთიანი ნაციონალური მოძრაობის მერობის კანდიდატმა ზაალ უდუმაშვილმა პოლიტიკური კარიერა ხანგრძლივი ჟურნალისტური საქმიანობის შემდეგ გადაწყვიტა. 

საერთაშორისო გამჭვირვალობა - საქართველოს ცნობით, მის CV -შია  “მეორე არხი”, “იბერია”, “პირველი არხი”. 2003 – 2017 წლებში ”რუსთავი 2-ის” საინფორაციო გამოშვება “კურიერის” წამყვანი იყო, მას ასევე გენერალური დირექტორის პირველი მოადგილის თანამდებობაც ეკავა. 

რაც შეეხება მის ქონებას, ის საკმაოდ მოკრძალებულია. საჯარო რეესტრის მონაცემებით, უდუმაშვილი თბილისში, ატენის ქუჩაზე ბინის (ს/კ 01.14.14.005.195.01.070ა) და მცხეთის მუნიციპალიტეტის სოფელ მამკოდაში მიწის ნაკვეთის (ს/კ 72.13.22.011) მფლობელია.