თბილისი (GBC) - ტრანსკასპიურ და ბაქო-თბილისი-ყარსის სარკინიგზო გადაზიდვებზე ტარიფები შემცირდა, - გადაწყვეტილება ტრანსკასპიური საერთაშორისო სატრანსპორტო მარშრუტის ასოციაციის (TITR) შეხვედრაზე მიიღეს.

სააგენტო Trend-ის ცნობით, მხარეებს შორის გაფორმებული დოკუმენტის მიხედვით, შემცირებული ტარიფები ძალაში 2018 წლიდან შევა.

განსაზღვრული გეგმით, 2018 წელს ტრანსკასპიურ მარშრუტით 3.5 მლნ ტონაზე მეტი ტვირთის გადაზიდვა იგეგმება. ამასთან დაგეგმილია  თურქეთიდან ყაზახეთის, ცენტრალური აზიის და ჩინეთის მიმართულებით15 ათასი კონტეინერის გადაზიდვა. შეხვედრაზე შეთანხმდნენ, რომ ყველა მონაწილე ქვეყნის რკინიგზების და პორტების ადმინისტრაციები შეღავათიან მიმზიდველ ტარიფებს დააწესებენ, რითაც 2020 წლისთვის ამ მარშრუტზე ტვირთბრუნვა 7-8 მილიონამდე უნდა გაიზარდოს.