თბილისი (GBC) -  საქართველოში საერთაშორისო ავიარეისების ზრდამ საავიაციო ნავთის იმპორტის 28%-იანი ზრდა განაპირობა.

ნავთობპროდუქტების იმპორტიორთა კავშირის ცნობით, 10 თვეში საქართველოში 78,1 ათასი ტონა საავიაციო ნავთის იმპორტი განხორციელდა, 17.3 ათასი ტონით მეტი ვიდრე შარშან.

საავიაციო ნავთის მთავარი მომწოდებელი თურქმენეთია, საიდანაც 36.1 ათასი ტონა ნავთი შემოვიდა, ეს მთლიანი იმპორტის 46%-ს აღემატება.  

შემდეგ მოდიან: აზერბაიჯანი - 24,5 ათასი ტონა (31,4%), საბერძნეთი - 16,2 ათასი ტონა (20,7%), თურქეთი - 0,8 ათასი ტონა (1,0%), იტალია 0,5 ათასი ტონა (0,6%).