თბილისი (GBC) - თბილისის მერია, სამშენებლო ობიექტებიდან გამოსული სპეცტექნიკის მიერ ქუჩების დაბინძურების წინააღმდეგ ახალ რეგულაციას შემოიღებს.

სამშენებლო მოედანებიდან გამოსული სატვირთო ავტომობილების მიერ ქუჩების დაბინძურებაზე ყურადღებას თბილისის მერი ამახვილებს და ვითარებას „სრულ კატასტროფას“  უწოდებს.

 „არც ერთი ნებართვა არ იქნება გაცემული, სადაც არ იქნებს მითითებული, რომ სამშენებლო მოედნებზე მოეწყოს სპეც. ადგილები, სადაც შესაძლებელი იქნება ამ მანქანების ჩამორეცხვა, რომ ცენტრალურ ქუჩებზე   ნაგავი არ გამოიტანონ. არსებულ მშენებლობებსაც დავავალოთ, რომ  ასეთი ადგილები იყოს მოწყობილი“, - მიმართა კახა კალაძემ თბილისის ზედამხედველობის სამსახურის უფროსს.  

კალაძე ამბობს, რომ „ეკოლოგიური მდგომარეობის გაუმჯობესება არ არის მხოლოდ სკვერების და პარკების რეაბილიტაცია- გაშენება, ყველა მიმართულებით არის  საჭირო მუშაობა და ამ მიმართულებითაც განსაკუთრებული ყურადღება უნდა იყოს გამახვილებული“.