თბილისი (GBC) –  თიბისი გალერეამ  ოთარ მეღვინეთუხუცესის ხსოვნის საღამოს უმასპინძლა.

85 წლის იუბილეზე მსახიობის შემოქმედებისადმი მიძღვნილი წიგნის პრეზენტაციაც გაიმართა,  ოლიკო ჟღენტის   “ნიღბის მიღმა“, სადაც ლეგენდარული მსახიობი განსხვავებული რაკურსითაა წარდგენილი. 

4 ნაწილიან გამოცემაში მსახიობის მოგონებების   გარდა, თავმოყრილია წერილები,  მასზე მეგობრების და კოლეგების მოგონებები, მათ შორის მეუღლის. მოგონებების,   პირადი ჩანაწერების ნაწილი და მსახიობის სამუშაო დღიურები პირველად ქვეყნდება.

წიგნს ახლავს აუდიოჩანაწერების კრებული, ფრაგმენტები თეატრალური დადგმებიდან და რადიოსპექტაკლებიდან.

პრეზენტაციის სტუმრებმა წიგნი საჩუქრად მიიღეს.