თბილისი (GBC) –  მცირე  მეწარმეები  საქმიანობის გაფართოებაზე  ალაპარაკდნენ.

ი.მ „ნინო ჯანდიერის“  დამფუნებელი ნინო ჯანდიერი ამბობს, რომ  5-ჯერ ნაკლები  ბეგარა  ნიშნავს  დამატებით რესურსს  წარმოებისთვის.

მეწარმე საფურშეტე სერვისის მიმწოდებელია, საშუალო წლიური ბრუნვით  ₾58 000. მისივე თქმით,  ბიზნესი სეზონურია,  შეკვეთები  უმეტესად შემოდგომა - გაზაფხულის პერიოდშია.

ბიზნესი  კონფერენციების, ტრენინგების და სხვა ღონისძიებების  კვებით მომსახურებას მოიცავს.

ნინო ჯანდიერის თქმით,  საშუალოდ ბრუნვიდან წელიწადში ₾2 000-2 300 -ის გადახდა უწევს, არსებული 5% -იანი რეგულაციით.

მცირე მეწარმეების  სტატუსის მისაღებად,  ბრუნვის ზედა ჭერის ₾100 000 -დან ₾500 000-მდე  გაზრდაზე და 1%-ით დაბეგვრის ინიციატივაზე პრემიერმა მთავრობის სხდომაზე განაცხადა.  

₾30 000-₾100 000 -მდე ბრუნვის  მქონე  სულ 60 000-მდე კომპანიაა და  ცვლილების შემდეგ  ბენეფიტის მიმღებთა ბაზა გასამმაგდება.