თბილისი (GBC) - კომპანია „რედ-კო“ 16 მარტს, გუდაურში, საძელეს საბაგიროს ავარიულად გაჩერებით დაზარალებულ ტურისტებს მომავალ წელს უფასოდ უმასპინძლებს.

კომპანიამ, რომელიც გუდაურის განვითარებაში აქტიურად არის ჩართული, სპეციალური განცხადება გაავრცელა და ავარაიასთა დაკავშირებით მწუხარება გამოთქვა.

 „კომპანიას სურვილი აქვს მომავალ ზამთრის სეზონზე ინციდენტში დაზარალებულები და მათი ოჯახის წევრები ყველა ხარჯების ანაზღაურებით დაპატიჟოს გუდაურში “რედკოს” სასტუმრო-დასასვენებელ კომპლექსში New Gudauri Resort Residences & Spa.

“ჩვენთვის მნიშვნელოვანია პირველ რიგში უყურადღებოდ არ დავტოვოთ დაზარალებულები და გვერდში დავუდგეთ მათ. ჩვენ ვისურვებდით, რომ გუდაურის შესახებ მათ სასიამოვნო და დაუვიწყარი შთაბეჭდილებები დარჩეთ და ყველაფერს გავაკეთებთ ამისთვის მომავალი წლის სეზონზე ” - აცხადებს მირიან ქათამაძე, კომპანია “რედ-კო”-ს დამფუძნებელი და გენერალური დირექტორი.