თბილისი (GBC) - თიბისი ბანკის აქციები გასულ კვირას, რეკორდულ ფასად ივაჭრებოდა.

საქართველოს უმსხვილესი ბანკის აქციების ღირებულებამ 18 ფუნტს გადააჭარბა. პარასკევის ვაჭრობაზე კი, მაქსიმალურმა ფასმა 18.56 ფუნტს მიაღწია. შედეგად, ბანკის საბაზრო ღირებულება, ლონდონის საფონდო ბირჟაზე  993.897 მლნ გირვანქა სტერლინგამდე გაიზარდა.

თიბისის ამ დროისათვის 53.55 მლნ ფასიან ქაღალდი აქვს LSE-ზე დალისტული.

იმ შემთხვევაში თუ ახალი აქციების დამატებისას, ბანკის ერთ-ერთმა მთავარმა აქციონერმა წილი პროპორციულად შეივსო და კვლავ 13.69% ფლობს, მაშინ მამუკა ხაზარაძის წილის ღირებულება, 16 მარტის მონაცემებით, 136 მილიონ ფუნტზე მეტია.